المقادير: المرحله الاولى 2 معلقه كبيرة دقيق 25 ج دقيق نص كوب ماء او 125 ج ماء المرررررررررررحله التانيه 2وربع كوب دقيق او 270 ج 2 م ك لبن بودرة او 20 ج 3 م ك سكر او 40 ج نص م ص ملح م ص خميرة او 6 ج بيضه مضروبه صغيرة نص كوب ماء دافى او 85 ج ربع صباع زبده من الباكو ال100 ج او 22ج زبده مع بشاميل المرحلة الاولى
التحضير: بساطه هنحط الميه ع الدقيق ونحطهم ع نار هاديه ونقلب زى الشاميل بالظبط ونقلب لحد ما يوصل لمرحله البشاميل اللى ممكن نصبه ف اى طبق ونغطيه ببلاستك استرتش لحد ما يبرد عشان الوش ما ينشفش وخدوا بالكم نلزق البلاستيك ع الوش مباشرة عشان نمنع الهوا
هنحط كل المقادير مع بعض الجافه يعنى مع البشاميل ماعدا الميه والزبده ونعجن كويس جدا
واحنا بنعجن هنحط الميه تدريجيا لحد ما تتخلط كويس
بعد كده هنحط الزبده حته حته ونعجن لمده 10 دقايق ع سرعه متوسطه لهاديه
اللى ماعندوش عجان يعجن بايده
لحد ما نحصل ع عجينه ناعمه وطريه كانها قطن بالظبط ومتماسكه
ازاااااااااااى نعرف انها اتعجنت مظبوط
خدى حته من العجينه بين ايديكى وحاولى تفرديها وتمطيها خليه النحل باليابانى معايا بشكل تانىع خفيف لو انقطعت منك بسرعه تبقى لسه محتاجه عجن
ولو ماتقطعتش تبقى نجحت واتمطت معاكى
سبيها متغطيه ف مكان دافى تخمر
انهارده بقى شكلنا الجديد هيبقى حلووووووووووووووو
هنحشى اى حشوة حلو احنا عاوزينها حلاوة او شيكولاته اى حاجه حلوة
ان اعملتها بحشوة حلاوة
وضفت للعجين حبه البركه مطحونه هتلاقوه العجينه ملونه شويه وفيها نقط لان حبه البركه مفيده جدا للولاد بنحاول نحشر اى حاجه مفيده ف اكلهم
هنا شكلت الخليه ف النص عملت وردات من العجين 5 وردات وحواليها بقى كور الخليه ع شكل عناقيد عنب وطالع منها اوراق شجر
بصى بالترتيب اللى انتى عوزاه اعليه والشكل سهل جدا بس نتيجته مبهرة
إرسال تعليق